الیکشن ٹربیونل نے خواجہ سعد رفیق کونااہل قراردےدیا

  • الیکشن ٹربیونل نے خواجہ سعد رفیق کونااہل قراردےدیا

    لاہور: الیکشن ٹربیونل نے این اے 125 میں مسلم لیگ ن کے وزیرخواجہ سعد رفیق کو نااہل قراردے دیا ہے۔

    تفصیلات کے مطابق لاہور کے حلقہ این اے 125 سے مسلم لیگ ن کی جانب سے خواجہ سعد رفیق کامیاب قرارپائے تھے جبکہ پاکستان تحریک انصاف کے امیدوارحامد خان دوسرے نمبرپرتھے۔
    الیکشن ٹربیونل نے این اے 125 میں ری الیکشن کے انعقادکا حکم دے دیا ہے۔

    ٹربیونل کے مطابق 265 پولنگ اسٹیشنوں میں سے صرف 7پرشفاف ووٹنگ کے ثبوت ملے ہیں جبکہ باقی تمام پولنگ اسٹیشنوں سے پر ہونے والی پولنگ کی صحت مشتبہ ہے۔

    مئی 2013 میں منعقد ہونے والے الیکشن میں مسلم لیگ ن کے خواجہ سعد رفیق این اے 125 سے 123094 ووٹ لے کر کامیاب ہوئے تھے جبکہ پی ٹی آئی کے حامدزمان83190ووٹ لے کر ددوسرے نمبر پر رہے تھے۔
    خواجہ سعد رفیق ای نشست سے قومی اسمبلی کے ممبر منتخب ہونے کے بعد وفاقی وزیربرائے ریلوے اور وفاقی وزیر برائے بجلی و پانی کے قلمدان سنبھالے ہوئے تھے۔

    این اے 125 کا حلقہ پی ٹی آئی کی جانب سے الیکشن میں دھاندلی کے ثبوت کے طور پرانتہائی مضبوط کیس تھا۔

    Loading...

    اس کے ساتھ ہی پی پی 155 کے نتائج بھی کالعدم قرار دئیے گئے ہیں۔ حلقہ پی پی 155 سے مسلم لیگ ن کے میاں نصیر احمد 62838ووٹ لے کر کامیاب ہوئے تھے جبکہ پی ٹی آئی کے حافظ فرحت عباس 42942 ووٹ لے کر دوسرے نمبر پر رہے تھے۔
    مسلم لیگ ن کے رہنماء خواجہ سعد رفیق کا کہنا ہے کہ الیکشن ٹربیونل کا فیصلہ ان کے نہیں الیکشن کمیشن کے عملے کے خلاف ہے۔

    خواجہ سعد رفیق نے کہا کہ الیکشن ٹربیونل کا فیصلہ انصاف پر مبنی نہیں ہے لہذا ہمارے پاس سپریم کورٹ میں جانے کا آپشن موجود ہے۔

    انہوں نے کہا کہ پارٹی قیادت فیصلہ کرے گی کہ سپریم کورٹ سے رجوع کیا جائے یا الیکشن میں جایا جائے۔

الیکشن ٹربیونل نے خواجہ سعد رفیق کونااہل قراردےدیا

source by daily mailnews .com

Facebook Comments

الیکشن ٹربیونل نے خواجہ سعد رفیق کونااہل قراردےدیا

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>